Hrópað yfir hafið

Hugsjón gildir jafnt þótt hún náist ekki.

Meira af skítapólitík

Það var davíðshljómur í Gunnari Birgissyni í fréttunum í kvöld.  Þar sem það er  vinstraliðið sem er að gera hann tortryggilegan og blaðamenn spila með.

En hvað er að gerast ?  Fulltrúar í bæjarstjórn gerir athugasemdir við viðskipti bæjarins við fyrirtæki dóttur Gunnars.  Það lítur ekki vel út, það sem  komið er, en endurskoðendur eru að fara yfir viðskiptin.  Hvað er eðlilegra ?  Gunnar sem bæjarstjóri ætti bara að vera ánægður að bæjarstjórnarmenn skulu fylgjast þetta vel með og gera athugasemdir ef eitthvað sýnist orka tvímælis.  Hann segir ekkert athugavert við þessi viðskipti,og ætti hann þá ekki að vera hinn rólegasti og bíða niðurstöðu?  Nei hann æsist allur upp  og talar um skítapólitík og sparar ekki pólítískum andstæðingum níðyrðin.

Miðað við þá framkomu sem Gunnar hefur sýnt gerir hann ekkert annað en að gera sjálfansig tortryggilegan og hvernig í ósköpunum ætlast hann til að blaðamenn taki á málinu.  Klappi honum á öxlina og segi að þetta sé bara kjaftæði í vinstarpakkinu.  Auðvita eiga blaðamenn að kafa í málið eins og þeir geta.

Framkoma hans hefur gert það að verkum að ég hef nánast  dæmt hann sekan, án þess að sekt hans sé sönnuð.  Það er mér ekki eðlislegt.

23. maí 2009 kl. 21:27 | arri | Óflokkað, Stjórnmál | 1 ummæli

1 ummæli

  1. Samhuga.

    Ummæli eftir Björgvin | 24. maí 2009

Lokað er fyrir ummæli.